टोइङ नेपालले आन्दोलनमा जलेका सवारी साधन सुरक्षित स्थानमा सार्न सुरु गर्यो
काठमाडौं । पछिल्लो समय नेपालमा Gen Z पुस्ताद्वारा सञ्चालित आन्दोलनका कारण देशभरका विभिन्न स्थानमा धेरै सवारी साधनमा आगजनी तथा तोडफोड भएका घटना बढिरहेका छन्। आन्दोलनका क्रममा जलेका गाडी तथा बिग्रिएका सवारी सडकमा छाडिने क्रम बढेसँगै यातायात आवागमनमा अवरोध भइरहेको छ।
यस्तो अवस्थामा टोइङ नेपाल (Towing Nepal) ले नेपाल सरकारसँग सहकार्य गर्दै सडकमा जलेका तथा क्षतिग्रस्त सवारी साधनलाई सुरक्षित स्थानमा सार्ने कार्य सुरु गरेको छ। यस अभियानको उद्देश्य सडक सफा गर्ने, यातायात सहज बनाउने र नागरिकलाई सुरक्षित आवागमनमा सहयोग पुर्याउने हो।टोइङ नेपालका प्रतिनिधिहरूका अनुसार, "आन्दोलनका क्रममा नष्ट भएका गाडी, मोटरसाइकल वा अन्य सवारी सडकमा फालिँदा सर्वसाधारणले यात्रा गर्न कठिन भएको छ। त्यसैले हामीले सरकारसँगै मिलेर यी गाडीहरूलाई सुरक्षित स्थानमा सार्ने निर्णय गरेका हौं।"
यही क्रममा, टोइङ नेपालले सर्वसाधारणलाई समेत आग्रह गरेको छ — यदि तपाईँको क्षेत्र वा वरिपरि आन्दोलनका क्रममा जलेका वा छाडिएका सवारी साधन छन् भने तुरुन्तै जानकारी दिन सक्नुहुन्छ। हामीलाई ९८०२३०५०५० नम्बरमा सम्पर्क गरेपछि हाम्रो टोली तुरुन्तै स्थलमा पुग्नेछ र आवश्यक सहयोग गर्नेछ।टोइङ नेपालले विगतदेखि नै दुर्घटनामा परेका वा खराब भएका सवारी साधनलाई सुरक्षित स्थानमा पुर्याउँदै आएको भए पनि अहिले देश संकटपूर्ण अवस्थामा पुगेकोले जिम्मेवारी अझ बढेको जनाएको छ। "हामी सबै नेपालीको सुरक्षाका लागि, सडकलाई सहज बनाउन र देशलाई असुरक्षित वातावरणबाट बचाउन निरन्तर खटिनेछौं," कम्पनीले जारी गरेको विज्ञप्तिमा भनिएको छ।टोइङ नेपालको पहलले राजधानी काठमाडौंसहित देशका विभिन्न क्षेत्रमा अवरुद्ध सडक खुलाउन ठूलो मद्दत गर्ने विश्वास गरिएको छ। यसले आन्दोलनका कारण सडकमा फसेका एम्बुलेन्स, दमकल, खाद्यान्न बोकेका गाडी र सर्वसाधारण यात्रुहरूले सहज यात्रामा सहयोग पाउनेछन्।